კოლეჯი ფანასკერტელი პროფესიული უნარების სააგენტოსა და GIZ-ის ორგანიზებულ სამუშაო შეხვედრაში მონაწილეობდა, სადაც დარგობრივი უნარების ორგანიზაციების შესახებ ჩატარებული კვლევის შედეგები და ახალი კონცეფცია განიხილეს.
შეხვედრას კოლეჯის დირექტორის მოადგილე ესწრებოდა და ჩართული იყო დისკუსიაში დარგობრივი ორგანიზაციების ფუნქციებსა და დაფინანსების საკითხებზე.
შეხვედრის მნიშვნელოვანი ნაწილი დაეთმო პროფესიულ განათლებაში სოციალური პარტნიორობის საერთაშორისო გამოცდილების გაზიარებას. მოწვეულმა ექსპერტმა, დოქტორმა მაიკლ აქსმანმა (GIZ), წარმოადგინა კერძო სექტორის ჩართულობის საუკეთესო პრაქტიკა.
